Y.E.S Handbags =^o^=

Y.E.S

Minggu lopaih, dalam perjalanan menuju ko D'Anjung Cafe utk menapaw kue-tiaw basah for de lunch, den TERpandang longgokkan beg2 di salah sebuah kodai aksesori di Shop Gallery tompek kojo den neh...


Apo laie, TERbohontilah den menapak.. TERbelek2lah beg2 yg discounted separoh hargo tuh.. Almaklom, dah ujong2 taon neh sakanlah kodai2, shopping2 complex, mall2 etc buat Y.E.S (Year End Sales)...

Sambil sodang mombelek2 tu, promoter kodai yg torsobot dtg mendokati den.. Sakan dio 'mengipaih'! Sambil menunjukkan kek den sogalo functions & storages handbag2 tuh...

Mulo2 den hengat nak boli sobijik yo.. den startlah tawar hargo laie (dah murah tu den nak murah laie! hehe..) .. Promoter tu tanyolah boss dio.. dio kato kek den, "Tak boleh kak, ni dah murah dah neh.. Diskaun habis2an dah neh.." Handbag tu takdolah mahai bebonar... RM39.90 yo setelah diberi diskaun 50% hehehe... Tapi den mintak hargo 25hengget ^^ ... Dipujuk2 tak dapek jugo... Den dah bokonan bonar dah dongan beg tuh.. Dlm pado den nak wat keputusan nak boli ko tidak neh, tuptup promoter tu kato, "Kalau akak beli dua, kami bagi RM50.00" sambil tersongih bosori2 ngadap muko den. Terporangkap den dgn tawaran promoter tuh.. Apo laie, den teruih lah belek handbag lain... Dlm seploh menet membelek, akhirnyo den TERboli duo bijik! huhuhu... TERkecundang den (T_T) !






Ni lah kalo lomah 'iman'! Ujong2 taon neh kono perkuat & pekukuhkan 'iman'/nafsu' masing2... byk nak belanjo ujung2 tahun neh.. Anak nak mulokan sesi sekolah tahon dopan (byk perkakasan nak diboli), jemputan kenduri-kondaro sana-sini, nak bwk anak2 jalan makan angin laie, nak sediokan aktiviti anak2 yg coti sekoloh lagi.. Kalau bonus lobat takpolah...

Mako, marilah kito amalkan & terapkanlah dlm diri formula neh agar hidup kito tidak terus kecundang dgn tarikan SALES sano-sini:

INCOME - SAVINGS = SHOPPING ＼^-^／

Note: Balik opih, den mulolah raso nyosal.. tapi wat per nak menyosal? Baik den kumpul pahalo hasil dpd kelemahan nafsu den neh.. Akhirnyo, den hadiahkan satu wat bonda den yg ponat menjago cucu2 (anak2 den) time somi den out-station 2 minggu neh. Dan den tolah memilih yg den paling bokonan iaitu si HITAM MANIS ^^ utk dihadiakan wat mak bonda den... Ada org kato, nak bagi kek org bagi yg kito paling bokonan.. baru pahalonyo lobih huhu..

Bonda den cakap, "Ni henbeg budak2 muder neh..." Tapi dio terimo gak lah.. Cumo, den ghaso, adik den nnt lah yg bakal mengusung handbag tu ko sano ko mari.. Cayolah cakap den hehehe... Xpo den tak kisah.. Janji den tak mombazir ^^ ...